台北騎行

地點: 淡水河濱, 淡水歷史建築群, 漁人碼頭

　　今日租左架ubike，從西門沿淡水河濱踩到淡水，十幾公里路，大部份都係單車專用徑，踩得好舒服，只花左個幾鐘就輕輕鬆鬆到淡水。台北既單車徑規劃，比起歐洲城市，依然係差幾皮，但睇得出人地嘗試緊去做，香港，就真係講都哂氣。

　　引用維基：「 淡水河光山水、風景秀麗，自古為台灣八景之一，昔日並有「東方威尼斯」之稱。在歷史上曾經是臺灣第一大港，也是西方文明在臺灣北部散播的起點。」

　　因此呢度有好多歷史建築遺留落黎，可以入去參觀，了解下淡水既歷史。

　　踩到黎淡水，放低單車步行，參觀完歷史建築群，接近黃昏時段，搭巴士到漁人碼頭影日落，結束一日淡水旅程。

　　夜晚因為搭捷運唔小心搭過龍，就索性去多次師大夜師。結果試左一間叫8ananacrêpe既法式薄餅，幾正，推介大家去試下。

　　返Hostel果陣，撞到三個之前搭巴士去烏來同車既香港人。當時佢地諗住去烏來前幾個站既旅館，點知以為司機會自動埋站，結果搭過左龍，哈哈。今日居然撞返佢地，真巧合。