4：45，天都未撚光就起身執睡袋。
話說尋晚本身見到嘉義公園入面幾多靚位，係OK坐到8點幾先入翻公園，但個公園都係好撚多人。
搵咗好耐都搵唔到個冇咁多人留意嘅位，唯有去廁所抹下身擦牙先。
最後選擇係棒球場出面嘅斜路打開睡袋瞓。
結果嗰舊防蚊嘅東東都係冇乜作用，係咁俾啲蚊騷擾瞓得好差，而且個公園好多人好嘈，差唔多十一點先靜落嚟。
後尾我搵件衫包住個頭，啲蚊就針唔到我。
凌晨五點幾成個嘉義市區都係冇乜車，暢通無阻咗踩。
離開市區之後有段路好多飛嚟飛去嘅唔知蚊滋定乜春，懷疑食咗幾隻落肚，早知戴咗面巾先踩。
跟住都係一路踩，今日叫做多返少少田園景色冇咁悶。
係後壁火車站附近嘅早餐店食早餐，個老闆娘好細心咁教我點開佢個卷飯嘅包裝。
跟住環島一號線個路牌一路踩，就奶撚咗野啦。
我今日係要踩台南海濱線，好彩發現時嚟得切轉路兜返入去，不過兜入去呢段路塵多車多，一啲都唔好玩。
最後踩返去海濱線，搵間Starbucks幫電話叉下電先......
未完待續......
------------------------------------------------------------------------------------------------------
DAY4—下半日
飲飲下咖啡發覺自己好似柒咗，點解唔夜晚先搵Starbucks慢慢坐，反正夜晚大把時間。
但唔坐都坐咗，算啦，至多咪踩夜車。
充電充到三點半先走，本身諗住係附近搵間牛肉湯食，但間野冇開，就繼續踩，踩踩下就去咗海邊。
後補︰當時大概由12點半開始坐，坐咗差唔多三個鐘先叉好電。
跟住唔小心踩過籠，去咗興達觀光漁市嗰邊。
兜返去正路時，經過間專賣炸雞嘅小店，即刻買野食先，五點都嚟仲未食晏。
踩到大湖火車站附近先有餐廳，食個牛肉麵同魯肉飯做晚餐。
跟住就一路夜踩入高雄市區。
之後沿河邊行，有個乜春燈會，好熱鬧。
停低搵路嗰陣聽到有個人同我講香港加油，個心暖一暖。
後補︰係個燈會度見到有人咁大膽係我呢個香港人面前賣龍鬚糖，就買嚟試下，一啲都唔好食，硬堀堀咁。
最後係光榮碼頭附近搵到個海濱公園幾清靜，可能因為附近仲施緊工，今晚應該係到訓。
---------------------------------------------------------------------------------------------------
是日行程︰嘉義市 > 高雄市，約143公里。
沒有留言:
張貼留言